Os vindeiros 29 de maio e 5, 12 e 19 de xuño celebrarase na sede de Feuga en Santiago de Compostela o taller de mellora competitiva "As TIC como axuda para optimizar os negocios".
Este taller, eminentemente práctico e coa presentación de casos reais, rompe cos tradicionais programas de formación pretendendo explorar as oportunidades estratéxicas e operativas que surxen no marco de aplicación das TIC nos procesos de negocio.
Está basado nun método de traballo asistido, interactivo e práctico, mediante o cal se analizan os casos particulares das empresas participantes, combinando aprendizaxe con acción.
Entre os obxectivos do curso atópanse os seguintes:
- Explorar as oportunidades estratéxicas e operativas que surxen no marco de aplicación das TIC nos procesos de negocio.
- Coñecer as infraestructuras, tecnoloxías e ferramentas da información e das comunicacións a disposición das empresas.
- Adquirir coñecementos básicos para a optimización e mellora dos procesos de xestión e mellora do rendimento a través das TIC
O taller vai dirixido a empresas de calquera sector (directivos, mandos intermedios, técnicos e profesionais). O número de asistentes por empresa é libre, cun máximo de catro personas. Recoméndase que asistan un mínimo de tres personas por empresa para garantizar o bo desenvolvemento da actividade e a elaboración do plan de mellora a implantar. O número de empresas asistentes a cada taller está limitado a un máximo de dez.
Data límite inscrición: 26 de maio
DESCARGAS
| Título | Arquivo a descargar |
| Programa e boletín de inscrición | » PDF [320 KB] |
