Membros
A Asemblea Xeral está constituída por todos os membros da agrupación. Por membros ordinarios entenderase aquelas empresas ou institucións con personalidade xurídica propia, que, unha vez cumpridos os requisitos de entrada, e proporcionados os datos recollidos na solicitude de admisión, estean ao día no cumprimento das súas obrigacións correspondentes á PTGM.
Por tanto, todo membro ordinario deberá:
- Ter personalidade xurídica propia .
- Pertencer ou ter unha relación coa cadea da madeira.
- cubrir a solicitude de entrada.
Cada empresa ou institución participante poderá inscribir un representante na Asemblea.
As empresas asociadas a calquera das seguintes entidades asociativas de representación sectorial de Galicia, FEARMAGA, Clúster da Madeira, Asociación Monte-Industria e FECEG, formarán parte automáticamente da PTGM.
Reunións
A Asemblea Xeral reunirase como mínimo unha vez ao ano dentro dos tres ou catro meses seguintes ao peche do exercicio. Ademais desta reunión anual ordinaria celebraranse cantas reunións extraordinarias sexan necesarias se as circunstancias así o aconsellan.
A Asemblea Xeral Extraordinaria convocarase sempre que o pida o Comité Executivo ou o 10% dos seus membros, facendo constar na convocatoria claramente (que nestes casos será sempre obrigatoria) os asuntos que se van a tratar.
Para que as reunións queden validamente constituídas será necesaria a asistencia dun 20% dos membros en primeira convovatoria. En segunda convocatoria a Asamblea constituirase cos membros que estean presentes nese momento. Entre as dúas convocatorias deberá transcorrer como mínimo media hora.
Adopción de acordos
No seo da Asemblea os acordos adoptaranse ordinariamente pola maioría simple dos seus membros presentes ou representados.
Para os temas de especial relevancia a maioría simple non será suficiente para adoptar decisións sobre estes; necesitarase maioría cualificada de 2/3 dos asistentes.
Dentro dos temas que requirirá esta maioría estarán:
- Modificación da normativa interna da Plataforma.
- Transformación da agrupación.
- Disolución da Plataforma.
Os acordos aos que se cheguen nas asambleas tanto xeral como ordinaria faranse constar en actas e estarán firmadas polo presidente e polo secretario-tesoureiro.
Todos os membros, incluso os que non participen nas reunións, quedarán sometidos aos acordos que sexan adoptados validamente pola Asemblea.
Funcións
Asemblea Ordinaria
- Definición estratéxica da Plataforma e aprobación dos documentos de referencia.
- Creación dos grupos de traballo.
- Elección dos membros do Comité Executivo.
- Aprobación de presupostos.
- Examinación e aprobación das contas anuais.
- Aprobación ou rexeitamento das propostas do comité Executivo en orde as actividades da Plataforma.
Asemblea Extraordinaria
- Nomeamento dos membros do Comité Executivo nos supostos de vacante dalgún membro do Comité Executivo.
- Modificación da normativa interna.
- Disolución da Plataforma.
- Expulsión dalgún membro a proposta do Comité Executivo.
- Disposición e alienamento de bens.
