Vostede está aquí: Cursos
Volver a: Inicio
Xeral: Contactar Edición

Taller xestión RRHH na empresa

Os vindeiros 22, 23, 29 e 30 de xuño celebrarase na sede de Feuga, en Santiago de Compostela, o Taller de Mellora Competitiva "Xestión dos Recursos Humanos na empresa".

Con obxecto de dar resposta ás necesidades das empresas, BIC Galicia e Feuga organizan este Taller de Mellora Competitiva en colaboración con In&Out, onde se ensinarán as técnicas, ferramentas e sistemas fundamentais na xestión de Recursos Humanos e se debaterá sobre a súa contribución para crear, motivar e desenvolver un equipo moi cualificado que supere en esixencia e capacidade de adaptación á súa competencia.
Estudarase e poñeranse en práctica ferramentas como a análise e descrición de postos, os perfís por competencias, a entrevista de selección, a xestión do rendemento e a elaboración dun plan de formación.

Entre os obxectivos do curso atópanse os seguintes:

• Analizar a importancia que ten unha adecuada política de xestión de Recursos Humanos en mellora da eficiencia e a calidade dos produtos e servizos que se ofrecen
• Facilitar coñecementos e ferramentas de xestión de Recursos Humanos
• Adestrarse no uso de ferramentas de Recursos Humanos, dun xeito práctico e adaptada a realidade de cada empresa
• Analizar a realidade en materia de Recursos Humanos de cada unha das empresas participantes e vincular a estratexia de desenvolvemento de persoas á cultura, a visión e a misión ás particularidades de cada unha delas.

Este taller vai dirixido a Empresas de calquera sector: directivos, xerentes, mandos intermedios, xefes de equipo, técnicos e responsables de Recursos Humanos, que pretendan a posta en marcha de accións de mellora nas súas organizacións.

Data límite inscrición: 17 de xuño.

DESCARGAS

Ir a: Obxectivos e indicadores de I+D+i Taller de Mellora Competitiva